3.1 LAS INSTITUCIONES EUROPEAS

1.1         Introdución

Como toda organización, a Unión Europea conta con diversas institucións nas que interveñen representantes dos países membros. As máis importantes destas institucións son as seguintes:

§  A Comisión Europea: vén sendo o goberno da organización, formado por un presidente e uns ministros ou comisarios (vinte e cinco, un por cada país membro). Ten a súa sede en Bruxelas.

§  O Consello da Unión Europea: intégrano os ministros de asuntos exteriores dos países membros e ten unha función lexislativa, xa que aproba as leis comunitarias. Localízase tamén en Bruxelas.

§  O Consello Europeo: constituído por xefes de estado ou de goberno dos países membros. Toma decisións importantes e define orientacións e a política xeral. Está presidido polo xefe de estado ou de goberno do país que, en períodos de seis meses, preside a Unión Europea. A súa sede está en Bruxelas ou na capital do país que o preside.

§  O Parlamento europeo: compóñeno deputados de todos os países elixidos cada catro anos por sufraxio universal (voto de todas as persoas maiores de idade). Controla a Comisión, que ten que renderlle contas da súa actuación, e aproba os orzamentos da organización. Posúe a súa sede en Estrasburgo.

§  O Tribunal de Xustiza (sede en Luxemburgo) ten unha función xudicial e serve para garantir o cumprimento dos tratados e o respecto ás leis comunitarias. Está presidido por xuíces que representan os estados membros. Renóvase cada cinco anos.

@  Na tarefa debe tratar de completar un cadro no que aparecen as institucións da Unión Europea, as súas funcións e os seus integrantes.

& Para apoiar esta actividade pode consultar os libros de texto “Xeografía” 3º de ESO, da editorial Obradoiro-Santillana, unidade 14, páxinas 220 e 221, e “Xeografía e Historia” 2º de ESO, da Editorial Obradoiro-Santillana, unidade 5, páxina 77.

1.2         Tarefas

§  Tarefa 1: Funcións e composición das institucións da Unión Europea.

1.2.1      Tarefa 1: Funcións e composición das institucións da Unión Europea

Complete o cadro coas funcións e os compoñentes correspondentes a cada unha das institucións da Unión Europea que se citan deseguido en forma desordenada.

Deputados dos países membros elixidos por sufraxio universal.	Aproba os orzamentos da Unión Europea e controla a Comisión.
Define orientacións e a política xeral da Unión Europea.	Un presidente e 25 comisarios.
Xuíces representantes dos países membros da Unión Europea.	Ministros de asuntos exteriores dos estados membros da Unión Europea.
Garante o cumprimento de tratados e o respecto ás leis comunitarias.	Aproba as leis comunitarias.
Goberna.	Xefes de Estado ou de goberno dos países membros da Unión Europea.

INSTITUCIÓNS	FUNCIÓNS	COMPOSICIÓN
Comisión Europea
Consello da Unión Europea
Consello Europeo
Parlamento Europeo
Tribunal de Xustiza

Autoavaliación

INSTITUCIÓNS	FUNCIÓNS	COMPOSICIÓN
Comisión Europea	GOBERNA	UN PRESIDENTE E 25 COMISARIOS
Consello da Unión Europea	APROBA AS LEIS COMUNITARIAS.	MINISTROS DE ASUNTOS EXTERIORES DOS ESTADOS MEMBROS DA UNIÓN EUROPEA.
Consello Europeo	DEFINE ORIENTACIÓNS E A POLÍTICA XERAL DA UNIÓN EUROPEA	XEFES DE ESTADO OU DE GOBERNO DOS PAÍSES MEMBROS DA UNIÓN EUROPEA
Parlamento Europeo	APROBA OS ORZAMENTOS DA UNIÓN EUROPEA, CONTROLA A COMISIÓN E LEXISLA	DEPUTADOS DOS PAÍSES MEMBROS ELIXIDOS POR SUFRAXIO UNIVERSAL
Tribunal de Xustiza	GARANTE O CUMPRIMENTO DE TRATADOS E O RESPECTO ÁS LEIS COMUNITARIAS	XUÍCES REPRESENTANTES DOS PAÍSES MEMBROS DA UNIÓN EUROPEA

2.           Materiais

2.1         Textos de apoio ou de referencia

§  Libros de texto “Xeografía” 3º de ESO, da editorial Obradoiro-Santillana, unidade 14, páxinas 220 e 221, e “Xeografía e Historia” 2º de ESO, da editorial Obradoiro-Santillana, unidade 5, páxina 77. Tamén se pode utilizar calquera outro libro de texto do mesmo nivel.

2.2      Tarefas B

§  Tarefa 1: A formación da Unión Europea.

§  Tarefa 2: Os países membros da Unión Europea.

1.1.1      Tarefa 1: A formación da Unión Europea

§  Indique se as seguintes afirmacións relacionadas co proceso de formación e cos obxectivos da Unión Europea son verdadeiras (V) ou falsas (F).

AFIRMACIÓNS	V/F
A comunidade Económica Europea creouse tras a sinatura do tratado de Maastricht en 1992.
España ingresou na Comunidade Económica Europea no ano 1986.
Un dos principais obxectivos do tratado de Maastricht foi o de crear unha moeda única, chamada dólar.
China e os Estados Unidos forman parte da Unión Europea.
Non existen alfándegas entre os países integrantes da Unión Europea.
A Comunidade Económica Europea nace coa sinatura do tratado de Roma, en 1957.

Autoavaliación

AFIRMACIÓNS	V/F
A comunidade Económica Europea creouse tras a sinatura do tratado de Maastricht en 1992.	F
España ingresou na Comunidade Económica Europea no ano 1986.	V
Un dos principais obxectivos do tratado de Maastricht foi o de crear unha moeda única, chamada dólar.	F
China e os Estados Unidos forman parte da Unión Europea.	F
Non existen alfándegas entre os países integrantes da Unión Europea.	V
A Comunidade Económica Europea nace coa sinatura do tratado de Roma, en 1957.	V

1.1.2      Tarefa 2: Os países membros da Unión Europea

§  Relacione na columna da dereita do seguinte cadro os países citados na columna da esquerda coa data na que se incorporaron respectivamente á Unión Europea, que figura na columna do centro, seguindo o exemplo:

PAÍS	DATA
1. Grecia	A. Ano 1957	1C
2. Polonia	B. Ano 1973
3. Italia	C. Ano 1981
4. Gran Bretaña	D. Ano 1986
5. Portugal	E. Ano 1995
6. Suecia	F. Ano 2004

Autoavaliación

PAÍS	DATA
1. Grecia	A. Ano 1957	1C
2. Polonia	B. Ano 1973	2F
3. Italia	C. Ano 1981	3A
4. Gran Bretaña	D. Ano 1986	4B
5. Portugal	E. Ano 1995	5D
6. Suecia	F. Ano 2004	6E